У архітэктурна-будаўнічым каледжы адбылася сустрэча-прэзентацыя кнігі «Кроў на белым тле». Аўтар выдання — старшыня Пастаяннай камісіі Палаты прадстаўнікоў Нацыянальнага сходу Рэспублікі Беларусь па адукацыі, культуры і навуцы Ігар Аляксандравіч Марзалюк.
Падчас мерапрыемства аўтар расказаў навучэнцам пра асноўныя ідэі сваёй працы. Кніга «Кроў на белым тле» заснавана на багатых навуковых і архіўных крыніцах. У ёй грунтоўна аналізуецца дзейнасць беларускіх калабарацыяністаў, якія ў гады Вялікай Айчыннай вайны супрацоўнічалі з нацысцкімі акупантамі.
Асобную ўвагу Ігар Марзалюк надаў тэме важнасці захавання гістарычнай памяці і недапушчэння перакручвання гісторыі.
