21 лютага адзначаецца Міжнародны дзень роднай мовы. Гэты дзень быў заснаваны ў лістападзе 1999 года рашэннем Трыццатай сесіі Генеральнай канферэнцыі ЮНЕСКА з мэтай абароны моўнай і культурнай разнастайнасці.
Дзень роднай мовы асаблівы для кожнай нацыі, кожнага народа, бо няма народа без мовы, няма мовы без яго носьбіта. І беларусы не выключэнне. Нам у спадчыну засталася ўнікальная мова – жывая і мілагучная, песенная і паэтычная, старажытная і сучасная.
З нагоды Міжнароднага дня роднай мовы ў нашай навучальнай установе 21 – 22 лютага пройдзе дыстанцыйная віктарына “РОДнае – НАРОДнае”.
Каб далучыцца да нас і праверыць свае веды па беларускай мове, літаратуры і культуры роднай краіны, прапануем перайсці па наступнай ссылцы https://forms.gle/bD4Z16RfnZzJyDCA9 ці праз QR-код.
Жадаем поспехаў!
Выкладчык беларускай мовы і літаратуры Шабліцкая Н.В.
