Правядзенне краязнаўчага маршрута стала традыцыйным для нашай навучальнай установы.
У гэтым годзе ён прайшоў у рамках мерапрыемстваў Тыдня роднай мовы, з нагоды 755-гадовага юбілею Магілёва, а таксама вельмі ўдала супаў з Сусветным днём турызму.
У праграме пешаходнага маршрута ўключаны вядомыя аб’екты горада Магілёва: Ратуша, падземны пераход каля Пушкінскага моста, Свята-Мікольскі манастыр, Падміколле, помнік Георгію Каніскаму.
Удзельнікі згадалі гісторыю заснавання горада, даведаліся, дзе была раней драўляная сінагога, успомнілі беларускіх пісьменнікаў-землякоў, адзначылі ўклад Георгія Каніскага ў развіццё магілёўскіх зямель.
Падвядзенне вынікаў маршрута адбудзецца пасля складання ўдзельнікамі творчай справаздачы. Жадаем усім поспехаў у вывучэнні мінулага і сучаснага роднай краіны!
Выкладчыкі цыклавой камісіі сацыяльна-гуманітарных дысцыплін
Бычкова А.У. і Шабліцкая Н.В.
