Максім Багдановіч – класік беларускай літаратуры, адзін са стваральнікаў нацыянальнай мастацкай літаратуры, паэт, празаік, гісторык літаратуры і літаратурны крытык, публіцыст, перакладчык.
Максім Багдановіч тварыў у многіх паэтычных жанрах. Сярод яго вершаў ёсць узоры як прыродаапісальнай, пейзажнай, інтымнай лірыкі, так і вершы на тэму сацыяльнага прыгнёту беларусаў, надзеі на іх нацыянальнае адраджэнне.
З нагоды 130-годдзя з дня нараджэння Максіма Багдановіча навучэнцам каледжа было прапанавана прайсці тэст “Пясняр красы і гармоніі”, створаны ў Google-форме. На працягу 15 хвілін неабходна было адказаць на 17 пытанняў на веданне жыццёвага і творчага лёсу выдатнага майстра слова. У тэсце прынялі ўдзел 115 чалавек, максімальная адзнака за тэст – 9.
Віншуем самых лепшых знаўцаў біяграфіі і творчасці беларускага пісьменніка Максіма Багдановіча!
1 месца: Таранаў Я. (гр. 1М) – 16 з 17 адказаў – адзнака 8.
2 месца: Маісееў М. (гр. 1М), Анастасьеў А. (гр. 1М), Банькова Ю. (гр. 1С2), Мульцына С. (гр. 1С2) – 15 з 17 адказаў – адзнака 8.
3 месца: Маслянкова Д. (гр. 1С1), Паўчанка Д. (гр. 1С1), Іваноў І. (гр. 1С1), Цітаўцоў М. (гр. 1М), Шэх М. (гр. 1М) – 14 з 17 адказаў – адзнака 7.
Жадаю далейшых поспехаў!
Выкладчык беларускай мовы і літаратуры
Шабліцкая Н.В.
