Акцыi "Вершы ў кiшэнi" i "Размаўляй з намі па-беларуску"

У рамках мерапрыемстваў, прысвечаных Міжнароднаму дню роднай мовы, валанцёрамі-навучэнцамі было праведзена некалькі акцый: “Вершы ў кішэні” і “Размаўляй з намі па-беларуску”.

Першая акцыя прайшла 20-21 лютага для звычайных прахожых па вуліцы Касманаўтаў, а таксама для навучэнцаў і супрацоўнікаў каледжа, да якіх звярталіся з пытаннямі на веданне гісторыі і літаратуры Беларусі.

Другая акцыя праходзіла ў фае нашай навучальнай установы раніцай 21 лютага: валанцёры віталіся па-беларуску і працягвалі сваё апытанне, звяртаючыся да ўсіх, хто спяшаўся ў гэты дзень на работу ці на заняткі.

Вось некаторыя з зададзеных пытанняў:

  1. Ці ведаеце вы, якое свята адзначаецца 21 лютага?
  2. Якіх беларускіх пісьменнікаў вы ведаеце?
  3. Назавіце нашу святую, якую здаўна шануюць як нябесную заступніцу беларускай зямлі, як асветніцу нашых продкаў.
  4. Па заказе якой асветніцы быў зроблены ювелірам Лазарам Богшам вядомы васьміканцовы крыж?
  5. "Мой родны кут, як ты мне мілы!
    Забыць цябе не маю сілы!"
    Назавіце аўтара гэтых бессмяротных радкоў.
  6. Назавіце аўтара вядомай паэмы “Новая зямля”.
  7. Назавіце аўтара вядомага раманса “Зорка Венера”.
  8. На якое свята пачыналі гукаць вясну?
  9. Якая птушка з’яўляецца сімвалам нашай краіны?

Трэба сказаць, што не ўсе змаглі правільна адказаць на пастаўленае пытанне, але пры любым адказе валанцёры дарылі лістоўку-паштоўку з вершаванымі радкамі пра беларускую мову славутых мастакоў роднага слова.

Выкладчык беларускай мовы і літаратуры

Шабліцкая Наталля Васільеўна

 


"Чысцей не будзе мовы ў свеце!"

Тэматычныя выставы